"Öти войöн..."
14 июля 2011
***
Öти войöн
пулöн корйыс вижöдіс…
Ышмöм тöлыс сьöлöм лестук летö.
Тырö
киссьöм корнас менам гижöдöй –
Сэтшöм гажтöм меным овлö тэтöг.
Морöс кудйысь сьöлöм нора вöзйысьö,
Чайтö кыськö ылысь – шуда олöм.
Арыс озырлунсö эськö-й кöсйысьö,
А ме сійöс вöрзьöднысö пола.
Пола вотны эзысьсö да зарнисö,
Пола торкны арлысь ыркыд вöтсö.
Ваймö
кольöм гожöмыслöн бипурыс,
Кутшöм ёна сійöс кöть он лöдсав.
